"Paxtakor" bugun Superliganing 24-turida "Navbahor" mehmoni bo'ladi. Chempionat tarixiga nazar solsak, ushbu jamoalar o'zaro 67 to'qnashuvda ishtirok etgan (13 g'alaba "lochinlar"da, 41 g'alaba "sherlar"da va 13 durang). Mavsumning birinchi davrasidagi bahsda esa Abdurashid Xudoyberganov ish olib borgan va unda tomonlar 0:0 hisobidagi durangga imzo chekkan. 

Bu klublar o'rtasida eng ko'p bosh hakamlik qilgan hakam sifatida Noil Lutfullinni aytish mumkin. Sobiq referi 8 marta bu jamoalar ishtirokidagi o'yinlarni boshqarib borgan. Shuningdek, Zokir Qodirov 5 ta o'yinda bosh hakamlik qilgan.

Bugungi uchrashuvda esa Rustam Lutfullin boshchiligidagi hakamlar jamoasi ishlashi ko'zda tutilgan. U ilk bor mazkur klublar o'rtasidagi o'yinni boshqarib boradi.