Bugun O'zbekiston Superligasi 5-turidan qoldirilgan o'yin doirasida "Neftchi" "Paxtakor" bilan kuch sinashadi. Mazkur to'qnashuv oldidan O'zFHM matbuot xizmati Superliga doirasida o'tkazilgan klublar ishtirokidagi oxirgi 5 bellashuvda kimlar bosh hakamlik qilganini eslashga qaror qildi. 

12.06.2018. "Neftchi" 1:1 "Paxtakor" / Bosh hakam: Valentin Kovalenko (bitta sariq kartochka ko'rsatgan).

10.03.2022. "Paxtakor" 1:0 "Neftchi" / Bosh hakam: Rustam Lutfullin (mehmonlar vakili A. Ismoilovni maydondan chetlatgan, 8 ta sariq kartochka ko'rsatgan).

12.08.2022. "Neftchi" 0:2 "Paxtakor" / Bosh hakam: Ilgiz Tantashev (4 ta sariq kartochka ko'rsatgan, mezbonlar foydasiga bitta penalti belgilagan. Shuningdek, maydon egalari a'zosi S. Abdullajonovni maydondan chetlatgan).

10.03.2023. "Neftchi" 2:1 "Paxtakor" / Bosh hakam: Ilgiz Tantashev (5 ta kartochka ko'rsatgan, farg'onaliklar foydasiga bitta penalti belgilagan).

05.08.2023. "Paxtakor" 0:1 "Neftchi" / Bosh hakam: Firdavs Norsafarov  (5 ta sariq kartochka ko'rsatgan).

Eslatib o'tamiz, bugun bu klublar o'rtasidagi to'qnashuvni Asker Najafaliyev boshchiligidagi hakamlar brigadasi boshqarib boradi.